Eronlik qori Qur’on musobaqasida 800 ming dollar yutdi

Saudiya Arabistonida o‘tkazilgan Qur’on tilovati va azon musobaqasida mahalliy va eronlik qorilar birinchi o‘rinni egalladi. Bu haqda Al Arabiya xabar berdi. 

Jumladan, eronlik ishtirokchi Yunus Shohmurodiy Qur’on tilovati tanlovida birinchi o‘rinni egallab, 800 ming AQSh dollari (9,1 milliard so‘m) mukofotni qo‘lga kiritdi, Saudiya Arabistoni vakili Abdulaziz al-Faqih esa ikkinchi o‘rinni egalladi. Unga 500 ming dollar (5,7 milliard so‘m) topshirildi. 

Azon tanlovida Saudiya Arabistoni vakili Muhammad Ash-Sharif g‘olib bo‘lib, 500 ming dollarni qo‘lga kiritdi. Indoneziyalik abituriyent qiz Diaaddin bin Nizoriddin ikkinchi o‘rinni egallab, 267 ming dollar (3 milliard so‘m) yutib oldi. 

G‘oliblarga mukofotlarni Saudiya Arabistoni Umumiy ko‘ngilochar boshqarmasi raisi Turki ash-Shayx topshirdi. 

SPA xabariga ko‘ra, musobaqaning umumiy mukofot jamg‘armasi 3 mln dollarni (34,3 milliard so‘m) tashkil qilgan. 

Ushbu tanlov eng yirik Qur’on tilovati va azon musobaqasi sifatida Ginness rekordlar kitobiga kiritildi.