Toshkentda 14 aprel kuni uchun 150 yil ichidagi eng issiq harorat kuzatildi

Qayd etilishicha, 14 aprel poytaxtda harorat maksimumi qariyb +35 darajaga yetdi va bu shu kun uchun eng issiq bo‘lib turgan 1946 yil 14 aprelda qayd etilgan +32.6 darajali issiq harorati rekordini 2 darajaga yangiladi.

Avvalroq dam olish kunlari ob-havo keskin o‘zgarishi, kuchli shamol va yomg‘ir kutilayotgani xabar qilingandi.

Yakshanba kuni respublikada yog‘ingarchilik kutilmaydi., faqat Toshkent viloyati va Farg‘ona vodiysi viloyatlari ba’zi joylarida yomg‘ir yog‘ishi, momaqaldiroq bo‘lishi mumkin. Havo harorati kechasi +10...+15 darajani, kunduzi +20...+25 darajani tashkil etadi, shimolda kechasi +0...+5 darajagacha, kunduzi +7...+12 darajagacha pasayadi.

Respublika bo‘yicha ba’zi joylarda shamol tezligi 17-22 m/s gacha kuchayishi kutilmoqda, ba’zida esa 25-28 m/s gacha kuchayishi mumkin. Tog‘oldi va tog‘li hududlarida vaqti-vaqti bilan yomg‘ir yog‘adi, dam olish kunlari ba’zi joylarda qorga aylanadi. Dam olish kunlari sel-suv toshqin hodisalari yuzaga kelishi mumkin.