Navoiy viloyati sog‘liqni saqlash boshqarmasiga yangi rahbar tayinlandi

Sog‘liqni saqlash vazirining tegishli buyrug‘i bilan Nurali Ne’matulloyevich Safoyev Navoiy viloyati sog‘liqni saqlash boshqarmasi boshlig‘i lavozimiga tayinlandi. Bu haqda SSV matbuot xizmati xabar bermoqda.

1992 yilda tug‘ilgan Nurali Safoyev Toshkent pediatriya tibbiyot institutini tamomlagach, mehnat faoliyatini 2018 yilda Vobkent tuman 12-son qishloq oilaviy poliklinikasida pediatr-shifokor sifatida boshlagan.

2019–2022 yillar davomida Uchquduq tuman ko‘p tarmoqli markaziy poliklinikasi mudiri, ushbu tuman tibbiyot birlashmasi boshlig‘i kabi lavozimlarda mehnat qilgan.

U ushbu lavozimga tayinlanguniga qadar Navoiy viloyati sog‘liqni saqlash boshqarmasi boshlig‘ining birinchi o‘rinbosari lavozimida ishlab kelayotgan edi.

Ma’lumot uchun, Navoiy viloyati SSBga 2020 yil sentabridan buyon Zafar Rasulov rahbarlik qilib kelayotgandi.