Toshkentda qush va hayvonlar noqonuniy sotilayotgani ma’lum bo‘ldi
Toshkentdagi qush bozorida cho‘l toshbaqasi, tipratikan va sa’va qushi noqonuniy sotilayotgani aniqlangan.

Foto: Tabiat resurslari vazirligi
Tabiat resurslari vazirligi Toshkent shahar boshqarmasi tomonidan Olmazor tumani, Qoraqamish dahasida reyd tadbiri o‘tkazildi.
Tadbir davomida 2 fuqaro tomonidan qush bozorida O‘zbekiston Qizil kitobiga kiritilgan 32 bosh O‘rta Osiyo cho‘l toshbaqasi, 6 bosh uzun ignali tipratikan va 5 bosh sa’va qushi noqonuniy sotilayotgani aniqlangan. Jonivorlar olib qo‘yilib, hayvonot bog‘iga topshirilgan.
Holat yuzasidan «Ma’muriy javobgarlik to‘g‘risidagi kodeks»ning 90-moddasi bilan jarima jazosi qo‘llangan. Uning miqdori xabarda keltirilmagan.
Mavzuga oid

20:21 / 04.03.2025
“Daraxtlar atay quritilgan” – Toshkentda yashil zona yo‘q qilinib, o‘rnida qurilish boshlanmoqda

16:36 / 24.02.2025
Ekologik ekspertiza o‘tkazilishi shart bo‘lgan obektlar belgilandi

18:06 / 15.12.2024
Xitoy eng katta cho‘lni 3 ming kilometrlik «yashil belbog‘» bilan o‘radi

13:14 / 05.12.2024