Navoiy viloyati hokimiga yangi o‘rinbosar tayinlandi

Viloyat hokimligi xabariga ko‘ra, Norimov Islomiddin Nomoz o‘g‘li 1991 yilda Samarqand viloyatida tug‘ilgan. Ma’lumoti oliy, 2015 yilda Samarqand iqtisodiyot va servis institutining bakalavr bosqichini, 2021 yilda Janubiy Koreyaning Seul universiteti magistratura bo‘limini tamomlagan.

U lavozimga tayinlangunga qadar Investitsiyalar va tashqi savdo vazirligi Axborot-tahlil bosh boshqarmasi axborot ta’minoti boshqarmasi boshlig‘i o‘rinbosari lavozimida faoliyat yuritgan.

Oldinroq Navoiy viloyati hokimiga jamoat tashkilotlari va diniy tashkilotlar bilan aloqalar bo‘yicha ham o‘rinbosar tayinlangandi.