Foto: Makkadagi o‘zbekistonlik hojilar va diniy soha vakillari ham saylovlarda qatnashmoqda

Ayni vaqtda haj safarini yakunlab, Saudiya Arabistonida bo‘lib turgan o‘zbekistonlik ziyoratchilar va Musulmonlar idorasi vakillari ham prezidentlik saylovlarida qatnashmoqda.

Ma’lum qilinishicha, O‘zbekiston prezidentligi uchun navbatda tashqari bo‘lib o‘tayotgan saylovlarda Saudiya Arabistonidagi o‘zbekistonlik saylovchilarga 14-saylov okrugiga biriktirilgan.

Shuningdek, Jiddadagi Bosh konsulxonasi saylov komissiyasi tomonidan ziyoratchilar uchun Makka shahridagi “Roshidiya” mehmonxonasida ham ovoz berish punkti tashkil etildi. O‘zbekiston Musulmonlari idorasi ziyoratchilar saylov jarayonlariga doir fotolar bilan bo‘lishdi.

Shuningdek, O‘zbekiston musulmonlari idorasi va uning hududiy vakillari xodimlari, imom-xatiblar ham saylov jarayonida oila a’zolari bilan qatnashmoqda.

Eslatib o‘tamiz, 2023 yil Haj mavsumida O‘zbekistonda 15 mingdan ortiq fuqarolar ziyoratga bordi. Ular 4 iyuldan boshlab vatanga qaytmoqda.

Tayyorlagan Фаррух Абсаттаров

#prezidentlik saylovi #hojilar

O‘zbekistonda 2023 yil 9 iyul kuni muddatidan ilgari prezidenti saylovi bo‘lib o‘tadi. Yangilangan Konstitutsiyaga ko‘ra, prezident vakolat muddati hozirgi 5 yildan 7 yilga oshirilgan.