Turkiya elchixonasida “Demokratiya va milliy birlik” kuni munosabati bilan xotirlash marosimi o‘tkazildi

15 iyul kuni Toshkentdagi Turkiya elchixonasida “Demokratiya va milliy birlik” kuni munosabati bilan xotirlash marosimi bo‘lib o‘tdi.

Elchixona rasmiylari, jamoatchilik va OAV vakillari ishtirok etgan tadbirda Turkiyada 2016 yil 15 iyul kuni yuz bergan davlat to‘ntarishiga urinish va ushbu xiyonatga qarshilik vaqtida halok bo‘lgan fuqarolar yodga olindi.

Manbalarga ko‘ra, Turkiya tarixidagi navbatdagi harbiy to‘ntarishning oldini olish uchun prezident Erdo‘g‘an chaqirig‘i bilan mamlakat bo‘ylab yuz minglab odamlar ko‘chaga chiqqan. 253 nafar inson o‘zini harbiy texnika oldiga tashlab halok bo‘lgan.

Xotira tadbirida “Demokratiya va milliy birlik kuni” munosabati bilan tayyorlangan ko‘rgazma ham namoyish etildi.

Xotirlash tadbirlari Turkiya bo‘ylab keng miqyosda o‘tkazilmoqda.