NASA oltinga boy asteroidga kosmik kema yuboradi
Unda 10 kvintillion dollarlik nodir metall zaxiralari borligi aytilmoqda.

Foto: NASA
NASA muhandislari Psyche missiyasini tayyorlashning yakuniy bosqichiga o‘tishdi. Uning doirasida kosmik kema deyarli butunlay temir, nikel va oltin kabi metallardan tashkil topgan Psyche asteroidiga yuboriladi.
Psyche kemasi Kennedi kosmik markazi yaqinidagi Astrotech zavodida yig‘ildi. U 5 oktyabrga rejalashtirilgan parvozdan oldin yakuniy sinovdan o‘tkazilmoqda.
Qurilma SpaceX Falcon Heavy o‘ta og‘ir raketasi yordamida uchiriladi va diametri taxminan 279 kilometr bo‘lgan Psyche asteroidi tomon yo‘naltiriladi. Bu jism asteroidlar kamari ichida parvoz qilmoqda. Manzilga yetib borish uchun olti yil ichida taxminan 4 milliard kilometrni bosib o‘tish kerak bo‘ladi.
Psyche asteroidi quyosh tizimining eng katta marvaridlaridan biri deb ataladi. Olimlar uning iqtisodiy va ilmiy nuqtai nazardan qanchalik qimmatli ekanini yaqinda anglab yetdi. Ular uzoqdan olib borilgan kuzatishlar natijasida asteroid Quyosh tizimining shakllanishi davrida muvaffaqiyatsizlikka uchragan sayyora yadrosi qoldig‘i bo‘lishi mumkin degan xulosaga keldi. U deyarli butunlay metallardan iborat.
«Agar biz uni qo‘lga kirita olganimizda, dunyo iqtisodiyotidan ham katta, taxminan 10 kvintilion dollardan qimmatroq bo‘lar edi», deb ta’kidlamoqda olimlar.
Biroq, Psyche asteroidining haqiqiy qiymati bu sayyoramiz yadrosi qanday ko‘rinishda ekanini bilishdir. Olimlar Yerda seysmik ma’lumotlardan foydalanib, sayyora yadrosining shakli, tuzilishi va xususiyatlarini aniqlashga harakat qilmoqda. Bu faqat rentgen nurlari yordamida vayronalar ostida ko‘milgan filni rekonstruksiya qilishga urinish kabi. Psyche sayyora yadrosi qanday ko‘rinishda ekanini va Yer qanday tarkib topganini yaxshiroq tushunishni ta’minlaydi.
Bundan tashqari, missiya kelajakda ekipaj parvozlari uchun ishlatilishi mumkin bo‘lgan texnologiyalar uchun sinov maydonchasi bo‘lib xizmat qiladi. Parvozning o‘zi Falcon Heavy raketasining birinchi sayyoralararo missiyasi bo‘lib, kelajakda Mars missiyasi uchun poydevor qo‘yadi.
Tavsiya etamiz
Mask ketadi, DOGE ham o‘z faoliyatini to‘xtatadi – Tramp
Jahon | 18:12 / 01.04.2025
1 apreldan Rossiyadagi migrantlarga bir qator cheklovlar kuchga kirdi
Jahon | 17:12 / 01.04.2025
Maktablarni to‘liq 5 kunlik o‘qish va ish rejimiga o‘tkazish taklif qilinmoqda
O‘zbekiston | 16:53 / 01.04.2025
Yozda top-klublar «talashishi» kutilayotgan 11 hujumchi
Sport | 15:30 / 01.04.2025
So‘nggi yangiliklar
-
JSST O‘zbekistonda tibbiyot sohasidagi loyiha faoliyatini kengaytiradi
O‘zbekiston | 13:37
-
Tesla sotuvlari 13 foizga tushib ketdi
Jahon | 13:22
-
Tramp jamoasidagilar endi tez orada sulh bo‘lishiga umid qilmayapti
Jahon | 13:07
-
G‘azoda o‘ldirilgan jurnalistlar, Trampdan barcha mamlakatlarga boj va NATOning Ukrainaga yordami - kun dayjesti
Jahon | 13:04
Mavzuga oid

01:07
NASA kosmik kemalarni himoyalovchi yangi texnologiyani sinovdan o‘tkazdi

08:40 / 28.03.2025
Arktikada qishki dengiz muzlari rekord darajada kamaydi - NASA olimlari

16:54 / 26.03.2025
Xavfli asteroid Yerga eng yaqin masofadan uchib o‘tadi

19:05 / 19.03.2025