Kiyim-kechak hamda oziq-ovqat do‘konlari yongan, yong‘in sababi hali aniqlanmagan.
24 iyul kuni Xorazm viloyati, Xiva shahri buyum bozorida yong‘in sodir bo‘ldi.
Qayd qilinishicha, «Sangar» mahallasi, Elobod ko‘chasida joylashgan Xiva buyum bozori xududidagi kiyim-kechak hamda oziq-ovqat do‘konlarida yong‘in chiqqan. Bu haqda soat 17:42 da Favqulodda vaziyatlar boshqarmasiga xabar tushgan.
12 ta yong‘in-qutqaruv ekipaji manzilga soat 17:50 da yetib borib, yong‘inni qurshab olgan.
Kun.uz manbasi bergan ma’lumotga ko‘ra, soat 20:00 holatiga yong‘in o‘chirilgan.
Yong‘in oqibatida jismonan jabrlanganlar yo‘qligi aytilmoqda.
Yong‘in ko‘lami va yetkazilgan zarar haqida ma’lumot berilmadi.
