Xorazm viloyati hokimiga yangi o‘rinbosar tayinlandi

Yangiariq tumani hokimi viloyat hokimining investitsiyalar bo‘yicha o‘rinbosari lavozimiga ko‘tarildi.

Foto: Xorazm viloyati hokimligi

Anvar Kenjayevich Davletov Xorazm viloyati hokimi o‘rinbosari – viloyat investitsiyalar, sanoat va savdo boshqarmasi boshlig‘i lavozimiga tayinlandi. Bu haqda viloyat hokimligi matbuot xizmati xabar berdi.

Anvar Davletov 1985 yil Qo‘shko‘pir tumanida tug‘ilgan. Millati o‘zbek, ma’lumoti oliy. Mutaxassisligi – Jahon iqtisodiyoti va xalqaro iqtisodiy munosabatlar. Muqaddam viloyat hokimining ishlab chiqarishni mahalliylashtirish va sanoatda kooperatsiya aloqalarini kengaytirish masalalari bo‘yicha yordamchisi lavozimida ishlagan.

A.Davletov 2020 yil dekabridan buyon Yangiariq tumani hokimi vazifasini bajaruvchi lavozimida faoliyat yuritayotgandi.

U yangi lavozimida 2022 yil martidan buyon ishlab kelgan Sherzod Ismailov o‘rnini egalladi.