Qishloq xo‘jaligi vazirligi rahbariyatida lavozim tayinlovlari amalga oshirildi. Bu haqda O‘zA xabar bermoqda.
Yangi tayinlovlarga ko‘ra:
- Botir Tog‘ayev vazirning birinchi o‘rinbosari lavozimida;
- Alisher Shukurov vazir o‘rinbosari lavozimida ish boshladi.
Botir Tog‘ayev 1976 yilda Qashqadaryo viloyati Kitob tumanida tug‘ilgan, 2001-2015 yillarda Shahrisabz, Kitob va Kasbi tumanlarida qishloq va suv xo‘jaligi sohalarida faoliyat olib borgan. Vazirlar Mahkamasi Agrar va oziq-ovqat sohalarini rivojlantirish masalalari kotibiyat mudiri lavozimida ishlagan, Qamashi tumani hokimi bo‘lgan.
Alisher Shukurov 1983 yil Samarqand viloyati Ishtixon tumanida tug‘ilgan. Qishloq va suv xo‘jaligi vazirligi O‘rmon xo‘jaligi bosh boshqarmasi umumiy bo‘limi yetakchi mutaxassisi, BMT huzuridagi Oziq-ovqat va qishloq xo‘jaligi tashkilotining O‘zbekistondagi vakolatxonasi rahbari o‘rinbosari bo‘lgan. U hozirgi vaqtga qadar qishloq xo‘jaligi vazirining iqtisod, innovatsion rivojlanish va investitsiyalar masalalari bo‘yicha maslahatchisi sifatida ishlab kelayotgandi.
