O‘zbekiston kubogi 1/8 final doirasidagi navbatdagi o‘yin OKMK va «Lokomotiv» o‘rtasida bo‘lib o‘tdi.
2 avgust kuni «Paxtakor» stadionida o‘tgan bahsning 1-bo‘limi 26 va 34-daqiqalarida Martin Boake dublini rasmiylashtirgan bo‘lsa, ikkinchi bo‘limda hujumlar sonini oshirgan «temiryo‘lchilar» 76-daqiqaga kelib Nurmuhammad Toshpo‘latovning goli evaziga hisobni qisqartira oldi - 2:1.
Shu tariqa Mirjalol Qosimov murabbiyligidagi olmaliqliklar g‘alaba qozonib chorakfinalga yo‘l oldi, «temiryo‘lchilar» esa bor e’tiborni Pro ligaga qaratadigan bo‘ldi.
Qayd etish joiz, shu kuni «Paxtakor» stadionida tomoshabinlar tashrifi borasida mavsum antirekordi qayd etildi. O‘yinlarini Toshkentda o‘tkazayotgan ikki jamoaning o‘yiniga jami – 187 nafar tomoshabin tashrifi kuzatilgani qayd etilgan.
Tribuna.uz fotomuxbiri Hasan Yusupov mazkur bellashuvdan fotojamlanma tayyorladi.
