Vazir o‘rinbosari hokim lavozimiga tushirildi
Shaharda investitsiya masalasida muammolar kuzatilayotgani qayd etildi.

Foto: Toshkent viloyati hokimligi
Dilshod Shuhratovich Sultonov Toshkent viloyatining Yangiyo‘l shahar hokimi vazifasini bajaruvchi lavozimiga tayinlandi.
Dilshod Sultonov 1980 yilda tug‘ilgan, ma’lumoti oliy, iqtisodchi. 2002 yilda Toshkent temir yo‘llari va transport institutini tamomlagan.
Moliya vazirligi tizimida ish faoliyatini 2003 yildan boshlagan. 2003-2012 yillarda Moliya vazirligining soliq siyosati boshqarmasi bosh iqtisodchisi, bo‘limi boshlig‘i o‘rinbosari, bo‘lim boshlig‘i. 2013-2017 yillarda Moliya vazirligi huzuridagi budjetdan tashqari Pensiya jamg‘armasi Respublika tibbiy-ijtimoiy ekspertiza inspeksiyasi boshlig‘i, Pensiya jamg‘armasi ijro etuvchi direktori lavozimlarida ishlagan. 2017-2018 yillarda moliya vazirligining Davlat budjeti bosh boshqarmasi boshlig‘i bo‘lgan.
2018 yil sentabridan buyon vazir o‘rinbosari lavozimida ishlab kelayotgandi. Vazirlikdagi o‘zgarishlar doirasida 7 avgust kuni u va Erkin Rustamov o‘rinbosar lavozimidan olindi.
Yangiyo‘l shahrining oldingi hokimi Farhod Mirzayev 2023 yil iyulida prezident raisligidagi yig‘ilishda o‘ndan ortiq tuman va shahar hokimlari qatorida ishdan olingandi.
Sessiyada Toshkent viloyati hokimi Zoyir Mirzayev tanqidiy-tahliliy nutq so‘zladi.
Viloyat hokimi o‘z so‘zida Yangiyo‘l shahrini ijtimoiy-iqtisodiy rivojlantirish borasida qilingan ishlar, mavjud kamchiliklar, reja-maqsadlarga to‘xtaldi.
«Investitsiya dasturi doirasida o‘tgan yili 10 ta korxona ishga tushgan, afsuski, bu yilga kelib, shundan 5 tasi faoliyat ko‘rsatmayapti. Investitsiya jalb qilish borasida shaharda oqsoqlik bor. Ikkita eksportyor korxona yaqinda faoliyatini to‘xtatdi, nega shunday bo‘ldi - birov qiziqmadi, yelka tutmadi tadbirkorga. Bu boradagi reja 13 foizga bajarilgan, xolos.
Samarqand va Baxt mahallalarida 2021 yili boshlangan qurilish-ta’mirlash ishlari hali yakuniga yetmagan, chala. Umuman, 2021 yil uchun «Obod mahalla» dasturida belgilangan qurilishlar atigi 37 foiz bajarilgan, xolos.
«Yangi bog‘» mahallasida ko‘p qavatli uy qurib foydalanishga topshirilishi kerak edi. Fuqarolar pulni to‘lab qo‘ygan. Uy hali chala, qurilish to‘xtab qolgan. Nega deputatlar, jamoatchilik jim? Mojaro yuzaga kelguncha kutamizmi? Bunday holatga endiyam befarq qarash gunoh
Yangiyo‘l shahrida bo‘ladigan sayyor qabul eng og‘ir o‘tadi. Bu yerning xalqi shunchaki shaxsiy masalalar bilangina kelmaydi. Mahalla, shahar hududiga oid dangal masala chiqindilarni vaqtida olib chiqib ketish katta muammo.
Yangiyo‘l shahrini chiqindilardan tozalash bo‘yicha ommaviy safarbarlik bo‘lmasa, bir martaga tozalab olinmasa bo‘lmaydi. Uch kun, besh kun, qancha vaqt ketsa ham qilamiz buni. Murojaatlarning 47 foizi shu chiqindi masalasi.
Sobiq hokim Farhod Mirzayev yomon ishlamadi. Uyiga bormay, sog‘lig‘iga qaramay ishlaganiga guvohman. Katta tajribasi bor edi. Lekin bitta inson aravani torta olmaydi. Shahar faollari birikmasa, ish yurmaydi. Bu holat barchaga saboq bo‘lishi kerak», degan viloyat hokimi.
Tavsiya etamiz
“Gentra – qorong‘ilik timsoli” – Mirshakar Fayzulloyev
O‘zbekiston | 19:25 / 20.04.2025
AQShda bir oy ichida minglab talabalarning vizalari bekor qilindi
Jahon | 23:47 / 18.04.2025
Toshkent viloyatidagi ba’zi yo‘llarda ruxsat etilgan tezlik 80 km/soatgacha cheklandi
O‘zbekiston | 23:28 / 18.04.2025
Orol dengizining qurigan tubi yildan yilga ko‘tarilib borayotgani aniqlandi
O‘zbekiston | 19:14 / 18.04.2025
So‘nggi yangiliklar
-
Vatikan Rim papasining o‘limi sababi va uning vasiyatini e’lon qildi
Jahon | 01:05
-
Kreml AQShni «katta bitim»ga jalb qilib, Trampni qiziqtiradigan takliflarni qidirmoqda - OAV
Jahon | 00:45
-
Xitoyda 9 yoshli qiz 25-qavatdan tushib ketib omon qoldi
Jahon | 00:22
-
Orlandoda yo‘lovchi samolyotida yong‘in chiqdi
Jahon | 23:54 / 21.04.2025
Mavzuga oid

18:58 / 18.04.2025
Namangan viloyati hokimiga yangi o‘rinbosar tayinlandi

20:45 / 15.04.2025
Sirdaryo viloyati soliq boshqarmasiga yangi rahbar tayinlandi

17:07 / 07.04.2025
Zaynilobiddin Nizomiddinov tuman hokimi bo‘ldi

16:38 / 18.03.2025