Uning tarkibi 12 turdagi o‘quv qurollaridan iborat.
Foto: Kitob tumani hokimligi
2023/2024 o‘quv yilida 1-sinfga borishi rejalashtirilgan 733 mingga yaqin bola uchun «Prezident sovg‘asi»ni hududlarga yetkazish boshlandi.
Uning tarkibi 12 turdagi o‘quv qurollaridan iborat: o‘quvchi sumkasi, 12 dona daftar, rasm daftari, akvarel bo‘yoqlari, rangli qog‘oz, qalamdon, sharikli ruchka, rangli qalam, 2 dona oddiy qalam, plastilin, yelim, 2 dona o‘chirg‘ich.
«Prezident sovg‘asi» 25 avgustga qadar Maktab va maktabgacha ta’lim vazirligi elektron bazasiga kiritilgan bolalar soniga mos ravishda umumta’lim maktablariga yetkaziladi.
