Абдулла Арипов Қирғизистон ва Ўзбекистон ўртасидаги икки томонлама ҳамкорлик бўйича қўшма ҳукуматлараро комиссия мажлисида иштирок этади.
Фото: gov.kg
Бугун, 15 август куни Ўзбекистон бош вазири Абдулла Арипов амалий ташриф билан Қирғизистон Республикасига борди.
«Иссиқкўл» халқаро аэропортида Ўзбекистон бош вазирини Қирғизистон вазирлар маҳкамаси раисининг ўринбосари Бахит Торобоев кутиб олди.
Абдулла Арипов Қирғизистон ва Ўзбекистон ўртасидаги икки томонлама ҳамкорлик бўйича қўшма ҳукуматлараро комиссиянинг 16 август куни Чўлпон-Ота шаҳрида бўлиб ўтадиган 10-мажлисида иштирок этиш учун Қирғизистонга ташриф буюрди.
