Shavkat Mirziyoyev BMT Bosh assambleyasida nutq so‘zlaydi

O‘zbekiston prezidenti Shavkat Mirziyoyev BMT Bosh Assambleyasining oliy darajadagi haftaligidagi nutq so‘zlaydi. Bu haqda Bosh Assambleya sessiyasi dasturiga tayanib TASS xabar berdi.

Oliy darajadagi haftalik 19 sentabr kuni, an’anaga ko‘ra, Braziliya prezidenti nutqi bilan boshlanadi.

So‘ngra AQSh rahbari nutqi rejalashtirilgan. Shu bilan birga, assambleyaning birinchi kunida Ukraina, Turkiya, Janubiy Afrika, Vengriya, O‘zbekiston va Qozog‘iston rahbarlarining chiqishlari ham rejalashtirilgan.

Dastur xomaki hisoblanadi, mamlakatlar o‘z xohishiga ko‘ra vakillik darajasini o‘zgartirishi va nutqni boshqa sanaga qoldirishni so‘rashi mumkin.

BMT Bosh Assambleyasining Oliy darajadagi haftaligi 19-25 sentabr kunlari Nyu-Yorkda bo‘lib o‘tadi.