13:30 / 11.09.2023
7832

Havayida dunyodagi eng katta vulqonlardan biri uyg‘ondi

Kilauea Yerdagi eng faol vulqonlardan biri hisoblanadi.

Foto: AP

Havayi orollarida dunyodagi eng faol vulqonlardan biri - Kilauea qayta faollashdi

AQSh Geologiya xizmatining Havayi vulqonlari observatoriyasi ma’lumotlariga ko‘ra, vulqon otilishi mahalliy vaqt bilan soat 03:15 atrofida Havayi vulqonlari milliy bog‘ida joylashgan Kilauea vulqon kraterida boshlangan. Observatoriyaning ta’kidlashicha, «otilish paytida chiqarilgan gazlar vulqon tutunini qo‘zg‘atgan». 

Aviatsiya xavfi bo‘yicha qizil kod e’lon qilindi va vulqonning xavf uyg‘otish holati «ogohlantirish»gacha ko‘tarildi. 

Kilauea - Havayida quruqlikdagi vulqonlarning eng yoshi va Yerdagi eng faol vulqonlardan biri. U 1983 yildan beri otilib chiqyapti.

Kilauea cho‘qqisining vulqon kraterida avvalgi otilish 2023 yil 7 iyun kuni sodir bo‘lgan va uning faolligi 21 iyunda to‘xtagan. 

Mavzuga oid
Top