Toshkentning ayrim hududlarida elektr energiyasi ta’minoti vaqtincha to‘xtatiladi

Toshkentning ayrim hududlarida 13 sentabr kuni elektr ta’minoti vaqtincha to‘xtatiladi. 

“Hududiy elektr tarmoqlari” xabariga ko‘ra, iste’molchilarga sifatli va barqaror elektr energiyasining yetkazib berilishini ta’minlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida 13 sentabr kuni quyidagi manzillarda elektr ta’minoti vaqtincha o‘chiriladi:

Yashnobod tumani — “Tovkentepa” MFYning ayrim ko‘chalarida soat 10:00 dan 15:00 gacha;
Mirobod tumani — “Oybek” MFYning ayrim ko‘chalarida soat 09:00 dan 16:00 gacha.
Olmazor tumani — “Chuqursoy”, “Paxta” va “Qichqiriq” MFYning ayrim ko‘chalarida soat 10:00 dan 17:00 gacha.

O‘z navbatida, yuqoridagi hududlarda ta’mirlash ishlari belgilangan vaqtdan avvalroq yakunlanishi mumkin.