Qoʻshimcha funksionallar
-
Tungi ko‘rinish
Bir tashkilotda bir vaqtda ikki boshliq - SSV bunga izoh berolmayapti
“Farmatsevtika mahsulotlari xavfsizligi markazi” direktori Mirzohid Qodirov SSV vazirining buyrug‘i bilan Fransiyaga xizmat safariga yuborilgan vaqtda markazga 7 oy avval poraxo‘r deb tanqid qilingan Agzam Nortoyev direktor etib tayinlanadi. Bu buyruqni ham vazir Inoyatov imzolagan. Qizig‘i, Mirzohid Qodirov hali rasman lavozimda va Parijda markaz rahbari sifatida xalqaro hujjatlarni imzolamoqda.

Mirzohid Qodirov va Agzam Nortoyev
Sog‘liqni saqlash vazirligi huzuridagi “Farmatsevtika mahsulotlari xavfsizligi markazi” davlat muassasasiga Agzam Nortoyev direktor etib tayinlangani xabar qilingandi. Tayinlov ortidan ishning yangi tafsilotlari paydo bo‘ldi.
Ma’lum bo‘lishicha, tayinlov tashkilotning amaldagi direktori Mirzohid Qodirov lavozimdan ozod etilmagan holatda, u xizmat safariga ketganida amalga oshirilgan. Va ayni damda mantiqan bir tashkilotga ikki shaxs direktorlik qilmoqda.
Amrillo Inoyatov 2023 yilning 6 sentabr kuni Alisher Shodmonov boshchiligidagi vazirlik delegatsiyasini 17-21 sentabr kunlari Fransiya davlatiga xizmat safariga yuborish haqida buyruq chiqargan. Mazkur buyruq bilan xizmat safariga boruvchi 15 kishidan iborat delegatsiya tarkibi tasdiqlangan.
Tarkibda vazirlik huzuridagi “Farmatsevtika mahsulotlari xavfsizligi markazi” davlat muassasasi direktori Mirzohid Qodirov ham bor. Ayni paytda delegatsiya a’zolari Fransiyada bo‘lib turibdi.
Kun.uz manbasining ma’lum qilishicha,Mirzohid Qodirov safarda “Farmatsevtika mahsulotlari xavfsizligi markazi” davlat muassasasi direktori sifatida chet el tashkilotlari bilan hamkorlik hujjatlarini imzolamoqda.
Mirzohid Qodirov safarda yurgan bir paytda Amrillo Inoyatovning buyrug‘i bilan “Farmatsevtika mahsulotlari xavfsizligi markazi” davlat muassasasiga Agzam Nortoyev direktor etib tayinlangan.
Pirovardida ikki hujjatdan biri haqiqiy bo‘lmay qoladi: yoki Agzam Nortoyevni lavozimga tayinlash to‘g‘risidagi buyruq yokiMirzohid Qodirov safarda imzolayotgan xalqaro darajadagi hujjatlar.
Amrillo Inoyatov shu yil fevral oyi boshida o‘tkazgan tanqidiy yig‘ilishda o‘sha paytda “Farmatsevtika mahsulotlari xavfsizligi markazi” davlat muassasasining maxsus raqamli markirovkalashni joriy etish bo‘limi boshlig‘i lavozimida ishlagan Agzam Nortoyevni poraxo‘rlikda ayblagandi.
“Referent narxlarni shakllantirishda sun’iy ravishda elektron tizim ishini murakkablashtirib, tadbirkorlar uchun tushunarsiz qilib olgan. O‘zining retseptini qilib olgan bu noinsof. Farmkompaniyalar referent narxlarini elektron bazaga kiritishda unga yordam uchun murojaat qilganda, firmalardan bir dori uchun 100 dollardan 1000 dollargacha pul undirib keladi”, degandi o‘shanda vazir Agzam Nortoyev haqida.
Oradan 7 oy o‘tib esa shu shaxs ushbu tashkilotga aynan Inoyatovning buyrug‘i bilan direktor etib tayinlandi.
Kun.uz’ning Sog‘liqni saqlash vazirligidan izoh olishga bo‘lgan urinishlari natija bermadi.
Ma’lumot uchun, Agzam Nortoyev Mirzo Ulug‘bek nomidagi O‘zbekiston milliy universitetini hamda Moskva davlat universitetini (magistr) tamomlagan. Mutaxassisligi – siyosatshunos. Sohadagi mehnat faoliyatini 2020 yil boshlagan. Mirzohid Qodirov esa 2003 yilda Toshkent farmatsevtika institutini tamomlagan va shundan buyon ushbu tizimda ishlab keladi.
Ruslan Saburov
Kun.uz
Tavsiya etamiz
Yevropa Ittifoqining 18-sanksiyalar paketi Rossiyaga qanday ta’sir qiladi?
Jahon | 23:12 / 21.07.2025
Uy sotib olishda aldanib qolmaslik uchun nimalarga e’tibor qilish kerak?
Ko‘chmas mulk | 16:30 / 21.07.2025
Super-kontraktni bo‘lib-bo‘lib to‘lash mumkinmi?
Ta’lim | 11:29 / 21.07.2025
Davlat OTMga qabul kvotalari tasdiqlandi
Ta’lim | 11:09 / 21.07.2025
So‘nggi yangiliklar
-
Farmatsevtika mahsulotlarini sertifikatlashtirish tartibi o‘zgardi
O‘zbekiston | 07:55
-
Xitoy: Rossiyaga qarshi sanksiyalar Xitoy va YeI munosabatlariga zarba berdi
Jahon | 07:40
-
Zo‘ravonlikning oldini olish bo‘yicha qo‘shimcha choralar qabul qilindi
O‘zbekiston | 07:28
-
Maxsus xizmat: Germaniyada Rossiyaning josuslik urinishlari ko‘paydi
Jahon | 07:24
Mavzuga oid

14:24 / 14.07.2025
“Ular xalq xizmatiga qaytarilishi kerak” – SSV “qizamiq epidemiyasi” bo‘yicha qamalgan namanganlik vrachlar haqida

11:04 / 12.07.2025
SSV tizimida uch turdagi korrupsion jinoyat ko‘p uchrayapti

19:42 / 02.07.2025
SSV aholini jamoatchilik nazoratiga chorladi

18:32 / 20.05.2025