Yaponiyada Abe o‘limi mojarosiga aloqador diniy firqa tarqatib yuboriladi 

Yaponiya hukumati tez orada «Birlashtirish cherkovi» diniy tashkilotini tarqatib yuborishni talab qilib, sudga murojaat qiladi. Bu haqda o‘z manbasiga tayanib Kyodo xabar berdi. 

Qaror «shubhali amaliyotlar», shuningdek, tashkilot bilan ehtimoliy aloqalari uchun o‘ldirilgan sobiq bosh vazir Sindzo Abe tufayli qabul qilingan. 

Kyodo manbasiga ko‘ra, hukumat hujjatlarni 12 oktyabrgacha tayyorlab, keyin Tokio sudiga da’vo arizasini topshirishni rejalashtirgan. Hujjatlarda «katta xayriya mablag‘lari olish» «Birlashtirish cherkovi» tomonidan bosim o‘tkazilgani haqida xabar bergan jabrdiydalarning ma’lumotlari mavjud. 

Bu harakatlar Yaponiyaning diniy tashkilotlar to‘g‘risidagi qonunini buzish sifatida baholanmoqda. Sud bunday tashkilotning «jamoat farovonligiga jiddiy zarar yetkazgani» isbotlansa, tarqatib yuborishi mumkin. 

«Birlashtirish cherkovi» 1954 yilda Janubiy Koreyada tashkil etilgan. Uning butun dunyo bo‘ylab 5 milliondan 7 milliongacha a’zosi bor. Agar u Yaponiyada tarqatib yuborilsa, diniy tashkilot maqomini yo‘qotadi va soliq imtiyozlaridan mahrum bo‘ladi, lekin yuridik shaxs sifatida faoliyat yurita oladi. 

Sindzo Abe 2022 yil 8 iyulda omma oldida nutq so‘zlaganida otib o‘ldirilgan. Qotillikda gumonlanayotgan Tetsuya Yamagami bosh vazirni o‘z oilasini «bankrot qilgan» «Birlashtirish cherkovi» bilan aloqador deb hisoblagan. Qayd qilinishicha, Yamagamining onasi tashkilotga 670 ming dollar xayriya qilgan.