Qashqadaryo viloyati hokimiga o‘rinbosar tayinlandi

U bungacha iqtisodiyot va investitsiya vazirliklarida o‘rinbosar bo‘lib ishlagan.

Foto: Qashqadaryo viloyati hokimligi matbuot xizmati

Olimxon Bakiyevich Rustamov - Qashqadaryo viloyati hokimining o‘rinbosari - viloyat investitsiyalar, sanoat va savdo boshqarmasi boshlig‘i lavozimiga tayinlandi.

U 1966 yil Toshkent shahrida tug‘ilgan. Toshkent xalq xo‘jaligi instituti, Lomonosov nomidagi Moskva davlat universiteti va O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.

Rustamov muqaddam iqtisodiyot vaziri o‘rinbosari bo‘lib ishlagan, 2021 yildan Investitsiyalar va tashqi savdo vaziri o‘rinbosari lavozimida faoliyat yuritgan, sentabr oyi oxirida bu lavozimdan ketgandi.