Toshkentda farzandini kaltaklagan ayolning shaxsiga aniqlik kiritildi. U asabiy holatda bo‘lganini aytgan

Holat kuzatuv kameralarida qayd etilgan, unda ayol bolaning yuziga, boshiga urgani, zarba oqibatida bola yerga yiqilgani ko‘rinadi.

Mirobod tuman hokimligi bergan ma’lumotga ko‘ra, farzandini urgan shu kuni Mirobod tumani Sh.Rashidov mahallasi hududida joylashgan suratxonaga rasmga tushish maqsadida kelgan.  

Ayol bilan suhbat natijasida ma’lum bo‘lishicha, yaqinlaridan noxush xabar eshitib, asabiy holatda bo‘lgan vaqtida, farzandining xarxashasiga javoban qo‘pol harakat sodir etgan.  

Ayol ushbu qilmishidan pushaymonligini, bunday holat avvallari bo‘lmaganligini va boshqa takrorlanmasligini ma’lum qilgan.  

Hozirda holat yuzasidan Mirobod tumani IIB xodimlari tomonidan surishtiruv ishlari olib borilmoqda, deyiladi hokimlik xabarida.