Rossiyada urushda qatnashishdan bosh tortgan migrantlarni fuqarolikdan mahrum qilish taklif etildi 

Rossiya Tergov qo‘mitasi raisi Aleksandr Bastrikin migrantlar Ukrainadagi urushda ishtirok etishdan bosh torsa, ularni Rossiya fuqaroligidan mahrum etishga chaqirdi. 

«Maxsus harbiy operatsiya» davom etayotgan bir paytda, menimcha, ularni (migrantlarni) maxsus harbiy operatsiyaga jalb qilish zarur. Agar ular Rossiya fuqarosi sifatida harbiy burchni bajarishga tayyor bo‘lmasa, bunday shaxsni fuqarolikdan mahrum etish to‘g‘risida qaror qabul qilish kerak», dedi u. 

Shuningdek, Bastrikinning so‘zlariga ko‘ra, «Rossiya hududiga kirganidan boshlab, migrantlarga Rossiya operatorlari SIM-kartasini olish va undan Davlat xizmatlari portalida shaxsiy kabinet ochishni majburiy qilish» kerak.