O‘zbekistonning Avstriyadagi yangi elchisi ish boshladi

Baxtiyor Ibragimov Vena shahridagi O‘zbekiston elchixonasida ishga kirishdi.

Baxtiyor Ibragimov

O‘zbekistonning Avstriyadagi yangi tayinlangan favqulodda va muxtor elchisi Baxtiyor Ibragimov Vena shahrida ish boshladi.

U 57 yoshda. Toshkent xalq xo‘jaligi institutini (hozir – Toshkent davlat iqtisodiyot universiteti) tamomlagan. U 1992 yildan beri TIV tizimida ishlab kelmoqda. Vazirlik markaziy apparatida, shuningdek, O‘zbekistonning AQSh va Janubiy Koreyadagi elchixonalarida turli lavozimlarda faoliyat ko‘rsatgan. Tayinlovga qadar u Nyu-York shahrida O‘zbekistonning BMTdagi doimiy vakili (2017–2023 yillar) sifatida ishlagan. U favqulodda va muxtor elchi diplomatik darajasiga ega.

Baxtiyor Ibragimov 2020-2023 yillarda Venada elchi bo‘lib ishlagan Abat Fayzullayev o‘rniga tayinlandi.

#elchi #Avstriya #Baxtiyor Ibragimov