G‘azodagi operatsiyada amerikalik askarlar ishtirok etmayapti – Pentagon

Pentagon AQSh harbiylarining G‘azodagi quruqlik operatsiyasida ishtirok etayotgani haqidagi xabarni inkor qildi.

Foto: Globallookpress

«AQSh Qurolli kuchlari G‘azodagi quruqlik operatsiyalarida qatnashmayapti», deyiladi Pentagon bayonotida.

Avvalroq, Eronning Tasnim agentligi G‘azoda AQSh Qurolli kuchlarining 5 ming askari jang qilayotgani haqida yozgan edi.

Avvalroq, AQSh Mudofaa vazirligi Isroilni qo‘llab-quvvatlash maqsadida yuborish uchun ikki mingga yaqin askarni tanlab olgani, ularga maslahat berish va tibbiy yordam ko‘rsatish vazifasi yuklatilishi, ularning jangovar harakatlarda ishtirok etmasligi, askarlar jangovar tayyor holatga keltirilmagani haqida xabar berilgan edi.

Shu bilan birga, AQSh Mudofaa vazirligi «Jyerald Ford» va «Duayt Eyzenxauer» aviatashuvchi kemalari boshchiligida O‘rta yer dengizining sharqiy qismiga ikkita zarba guruhini yubordi. Pentagon rahbari Lloyd Ostin ta’kidlaganidek, bu «Isroilga qarshi dushmanlik harakatlarini tiyib turish va urushni kengaytirishga qaratilgan har qanday urinishlarga qarshi choralarning bir qismi sifatida» amalga oshirilgan.

Tayyorlagan Сардор Юсупов

#AQSh #Isroil #Falastin

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.