Xitoy Isroilni o‘z xaritalaridan «o‘chirib tashladi»

Qayd qilinishicha, Isroilning xalqaro miqyosda tan olingan chegaralari daxlsiz qolgan, faqat nomi yo‘qolgan.

Xitoyda mavjud dunyo onlayn xaritalaridan Isroil nomi yo‘qoldi. Buni xitoylik internet foydalanuvchilari payqadi, deb yozdi The Wall Street Journal.

Xususan, Xitoyning Baidu qidiruv tizimi xaritalarida va Alibaba kompaniyasining Amap onlayn-xaritalarida Isroil yo‘qolib qolgan.

Qayd qilinishicha, Isroilning xalqaro miqyosda tan olingan chegaralari daxlsiz qolgan, faqat nomi yo‘qolgan. Shu bilan birga, boshqa barcha davlatlar nomi, shu jumladan Lyuksemburg yoki Monako kabi mitti davlatlar nomi hali ham to‘g‘ri ko‘rsatilgan.

WSJ nashrining ta’kidlashicha, bu o‘zgarishlar «Pekinning mintaqadagi noaniq diplomatiyasiga mos keladi».

Avvalroq, BMT Bosh Assambleyasi G‘azo sektoridagi «urushni tugatish» uchun «zudlik bilan o‘t ochishni to‘xtatish»ga chaqiruvchi rezolyutsiyani ko‘pchilik ovoz bilan ma’qulladi. Uni 120 davlat, jumladan Xitoy ham yoqladi, 14 davlat qarshi chiqdi, 45 davlat betaraf qoldi.

Tayyorlagan Сардор Юсупов

#Isroil #Falastin #Xitoy

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.