Qoʻshimcha funksionallar
-
Tungi ko‘rinish
Kollej direktorini kaltaklagan Bag‘dod hokimi o‘rinbosari hayfsan oldi
Majburiy obunani ta’minlamagani uchun kaltaklangan kollej direktori bosh miya chayqalishi tashxisi bilan kasalxonaga yotqizilgan edi. Shuningdek, hokim o‘rinbosari - Qahramon Murtazoqulovning harakatlari yuzasidan tergovga qadar tekshiruv harakatlari ham olib borilmoqda.
Foto: Bag‘dod tumani hokimligi axborot xizmati
Farg‘ona viloyati, Bag‘dod tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari Qahramon Murtazoqulovga hayfsan intizomiy jazosi berildi. Bu haqdagi farmoyish tuman hokimi Yusufjon Xusainov tomonidan 22 noyabr kuni imzolangan.
Hujjatda qayd qilinishicha, Qahramon Murtazoqulov davlat fuqarolik xizmatchisining odob-axloq qoidalarini «qo‘pol ravishda buzgan». Unga Mehnat kodeksining 312-moddasiga asosan hayfsan berilgan.
Avvalroq, Bag‘dod tumanidagi pedagogika kollejining zimmasiga gazeta va jurnallarga obuna bo‘lish uchun qariyb 24 mln so‘m reja qo‘yilgani, bu talabni bajara olmagan kollej direktor tuman hokimining o‘rinbosari tomonidan kaltaklangani haqida xabar berilgan edi. Kun.uz manbasining tasdiqlashicha bu o‘rinbosar aynan Qahramon Murtazoqulov bo‘ladi.
Bag‘dod tumani prokuraturasi xabariga ko‘ra, holat yuzasidan tergovga qadar tekshiruv olib borilmoqda.
Mavzuga oid
15:05 / 26.02.2026
Kun.uz tanqididan so‘ng: mashinada uch odamni urib yuborgan farg‘onalik ayolga nisbatan chiqqan hukm o‘zgardi
19:54 / 25.02.2026
Farg‘ona bog‘chalarida ommaviy zaharlanish: ovqat yetkazib beruvchi firma tendersiz tanlangan, kim aybdor?
11:53 / 25.02.2026
Farg‘ona bog‘chalaridagi zaharlanish: ta’minotchi korxona hokimlik imtiyozidan foydalangan
17:22 / 24.02.2026