Isroil armiyasi G‘azodagi «gumanitar pauza» uzaytirilganini e’lon qildi

HAMAS otashkesim kelishuvini bir kunga uzaytirilganini tasdiqladi.

Foto: Anadolu Agency

Isroil armiyasi G‘azo sektoridagi «gumanitar pauza» tugashiga bir necha daqiqa qolganida uzaytirilganini e’lon qildi. Bu haqda Anadolu xabar berdi.

Isroil armiyasi xabarida otashkesim necha kunga uzaytirilgani ko‘rsatilmagan.

«Vositachilar ko‘magida mahbuslarni ozod qilish jarayoni davom etadi va kelishuvga ko‘ra harbiy harakatlar to‘xtatiladi», deyiladi bayonotda.

O‘z navbatida HAMAS «gumanitar pauza» bir kunga uzaytirilganini e’lon qildi.

Isroil va XAMAS o‘rtasida vositachilik qilayotgan Qatar ham «gumanitar pauza» uzaytirilganini tasdiqladi.

Tayyorlagan: Сардор Юсупов

#Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.