O‘zbekistonda yil boshidan beri 26 ta noqonuniy mayning fermasi aniqlandi

Davlatga yetkazilgan zarar 58 milliard so‘mdan oshgan. Qonunbuzarlar protsessual tartibda ushlangan.

Foto: Bosh prokuratura

2023 yilning o‘tgan davrida O‘zbekistonda 26 ta noqonuniy mayning fermasi aniqlandi. Bu haqda Bosh prokuratura xabar berdi.

Qayd qilinishicha, ular tomonidan 29 mln kWh elektr energiyasi talon-toroj qilingan. Bu 145 mingta xonadonning bir oylik iste’mol ehtiyojiga teng. Davlatga yetkazilgan zarar 58 milliard so‘mdan oshgan.

Holat yuzasidan 29 nafar shaxsga nisbatan Jinoyat kodeksining 169-moddasi (o‘g‘rilik) tegishli qismi bilan jinoyat ishi qo‘zg‘atilgan va ular protsessual tartibda ushlangan.

Bosh prokuraturaning eslatishicha, mayning faoliyati bilan noqonuniy shug‘ullanib energiya resurslarini juda ko‘p miqdorda talon-toroj qilish Jinoyat kodeksining 169-moddasi, 4-qismi bilan jinoyat ishi qo‘zatilishiga hamda 8 yildan 15 yilgacha ozodlikdan mahrum qilish bilan jazolanishi mumkin.

#elektr #mayning #talon-toroj