Toshkent havosining iflosligi bo‘yicha dunyoda 1-o‘ringa chiqdi

29 fevralda Toshkent havoning ifloslanish darajasi bo‘yicha dunyoning yirik shaharlari orasida 1-o‘rinni egallab turibdi.

Foto: Kun.uz

IQAir portaliga ko‘ra, soat 11:40 da Toshkent havosida mayda PM2,5 dispers zarralarining konsentratsiyasi 216 mkg/m3 ni tashkil etgan – bu “juda zararli” tasnifdagi ko‘rsatkich hisoblanadi.

Reytingda 2-o‘rinni Pokistonning Lahor shahri egallagan — PM2,5 dispers zarralarining konsentratsiyasi 193 mkg/m3. Bangladeshning Dakka 3-pog‘onada — 184 mkg/m3. Reytingdagi o‘ntalikdan, shuningdek, Kampala (Uganda), Bishkek (Qirg‘iziston), Katmandu (Nepal), Dehli (Hindiston), Mumbay (Hindiston), Uhan (Xitoy), Karachi (Pokiston) egallagan.

Jahon sog‘liqni saqlash tashkilotiga ko‘ra, havo ifloslanishi ko‘rsatkichlari orasida salomatlik uchun eng katta xavf tug‘diradigani aynan PM2,5 dispers zarralaridir.

23 fevral kuni Toshkent jahonda havosi eng iflos shaharlar ro‘yxatida 1-o‘ringa chiqqandi.