Ozarboyjon Armanistondan to‘rt qishloqdan zudlik bilan chiqib ketishni talab qildi

Boku Yerevandan to‘rtta noeksklav qishloqdan zudlik bilan chiqib ketishni talab qilmoqda, shuningdek, yana to‘rtta eksklav qishloq masalasini ko‘tarmoqda. Bu haqda Ozarboyjon bosh vaziri o‘rinbosari Shahin Mustafoyev ma’lum qildi.

«Armaniston tomonidan bosib olingan 4 ta eksklav bo‘lmagan Ozarboyjon qishloqlariga (Baganis Ayrim, Ashagi Askipara, Xeyrimli va Qizilgajili) kelsak, ularning Ozarboyjonga tegishli ekani shubhasiz va zudlik bilan ozod qilinishi kerak», dedi u.

Bundan tashqari, Bosh vazir o‘rinbosari ta’kidlaganidek, Ozarboyjonning armanlar nazoratidagi to‘rtta eksklav qishlog‘i (Yuxari Askipara, Sofulu, Barxudarli va Karki) masalasi arman-ozarboyjon chegaralarini delimitatsiya qilish jarayoni doirasida hal qilinadi.

Shu bilan birga, qayd qilinishicha, hozir Ozarboyjon-Armaniston davlat chegarasini delimitatsiya qilish komissiyasi delimitatsiya ishlarini olib borish uchun zarur bo‘lgan normativ-huquqiy bazani yaratish ustida ishlamoqda.

Boku Armaniston ommaviy axborot vositalarining Ozarboyjon tomonidan 31 ta arman qishlog‘i bosib olingani haqidagi ma’lumotlarini rad etmoqda.