Gurjistonda Mustaqillik kuni munosabati bilan norozilik namoyishi bo‘lib o‘tdi
Bir necha ming namoyishchi, xususan, «chet el agentlari» haqidagi qonunga qarshi shiorlar bilan hayqirdi.
![](https://storage.kun.uz/source/10/RSKg9EWoGUp1xbv7g3cK8uOC8r327zjO.jpg)
Foto: Davit Kachkachishvili/AA/picture alliance
Gurjiston Mustaqillik kunida Tbilisida «Gurjiston, men sen bilanman» shiori ostida norozilik marshi bo‘lib o‘tdi, deb xabar berdi Paper Kartuli Telegram-kanali 26 may, yakshanba kuni.
OAV ma’lumotlariga ko‘ra, shahar markazidan o‘tgan yurishda bir necha ming kishi qatnashgan. Ular Gurjiston va Yevropa Ittifoqi bayroqlarini ko‘tarib, norozilik shiorlarini aytishdi, xususan, «Chet el ta’sirining ochiqligi to‘g‘risida»gi munozarali qonunga qarshi chiqishdi.
Mitingda Gurjiston prezidenti va bosh vaziri o‘rtasida nizo kelib chiqdi
Bir kun avval Tbilisi markazida mamlakat Mustaqillik kuniga bag‘ishlangan mitingda Gurjiston prezidenti Salome Zurabishvili mamlakatni Yevropa integratsiyasi yo‘lidagi yo‘nalishini saqlab qolishga chaqirdi. «Yevropa birorta ham urush boshlagani yo‘q, u bizning davlatimizga o‘z mustaqilligini saqlab qolish va taraqqiyotga erishish imkoniyatini beradi», dedi Zurabishvili.
Gurjiston bosh vaziri Irakliy Kobaxidze uning ortidan so‘zga chiqib, mamlakat o‘z mustaqilligi va suverenitetiga putur yetkazish bo‘yicha urinishlarni muvaffaqiyatli yengib o‘tganini aytdi. «Xalq va ularning saylangan hokimiyatlarining birligi bizga ko‘p tahdid va xiyonatlardan, jumladan, Gurjiston prezidenti xiyonatidan qochish imkonini berdi», dedi u.
26 may kuni kechqurun Salome Zurabishvili mamlakat fuqarolariga murojaat qilib, «chet el agentlari» to‘g‘risidagi qonunga qarshi mitinglarda hibsga olinganlarning barchasini amnistiya qilishga va’da berdi, deb yozadi Paper Kartuli.
Mavzuga oid
![](https://storage.kun.uz/source/thumbnails/_medium/10/mhMEpGsNmY3rOl4egh2hiC97p82xysat_medium.jpg)
12:21 / 14.08.2024
Gurjistonda sobiq prezident 2008 yilgi urushda ayblandi
![](https://storage.kun.uz/source/thumbnails/_medium/10/A3vmeGlha_qBzWmf5uzIzB6-dcrSv-Du_medium.jpg)
17:22 / 09.08.2024
Britaniya: Tartibsizlikka aylangan namoyishlar sababi nima?
![](https://storage.kun.uz/source/thumbnails/_medium/10/4IoHj2FsUv7npxK4WDvnsdTe44ALsDlp_medium.jpg)
12:44 / 09.08.2024
Gurjistonda «besh kunlik urush» qurbonlari yodga olindi
![](https://storage.kun.uz/source/thumbnails/_medium/10/hzp91nEsXFFawDsDVa6Qi7bXXCMYA7it_medium.jpg)
14:03 / 08.08.2024