Rossiya O‘zbekistonga gaz yetkazib berish hajmini oshirishga tayyor
Rossiya gazining Qozog‘iston orqali O‘zbekistonga yetkazilishi 2025 yilda 11 milliard kubometrga chiqishi rejalashtirilmoqda, dedi Vladimir Putin.
![](https://storage.kun.uz/source/10/nnnEUNpO8y_O6OBUi3Mu7g_hIsINRtZS.jpg)
Foto: Prezident matbuot xizmati
Rossiya qo‘shni Qozog‘iston orqali O‘zbekistonga gaz yetkazib berish hajmini sezilarli darajada oshirishga tayyor. Bu haqda Rossiya prezidenti Vladimir Putin 27 may, dushanba kuni Toshkentda bo‘lib o‘tgan muzokaralar yakunida aytib o‘tdi.
«Hozirda «Markaziy Osiyo – Markaz» quvurlari tizimining o‘tkazish qobiliyatini kengaytirish bo‘yicha ishlar olib borilmoqda, bu kelgusi yilda O‘zbekistonga chiqariladigan gaz hajmini 11 milliard kubometrgacha oshirish imkonini beradi», — deya Putinning so‘zlaridan iqtibos keltiradi Rossiya axborot agentliklari.
«Markaziy Osiyo – Markaz» quvuri orqali gaz yetkazib berish 2023 yil oktyabr oyida boshlangan. Qozog‘iston Energetika vazirligi ma’lumotlariga ko‘ra, o‘tgan yil davomida Rossiya gazining O‘zbekistonga tranziti 1,28 milliard kubometrni tashkil qilgan. 2024 yilda 3,8 milliard kubometr o‘tishi kutilmoqda.
Muzokaralar yakunida, shuningdek, Vladimir Putin va Shavkat Mirziyoyev huzurida kelishuvlar paketi, jumladan, O‘zbekistonda kam quvvatli atom elektr stansiyasini loyihalash va qurish bo‘yicha shartnoma almashildi.
Mavzuga oid
![](https://storage.kun.uz/source/thumbnails/_medium/10/J_GnjtKivdWMvoOTJGtvEgwQsG6EgKTs_medium.jpg)
08:40 / 25.07.2024
7 mlrd so‘mlik gazdan noqonuniy foydalanib kelgan MChJ aniqlandi
![](https://storage.kun.uz/source/thumbnails/_medium/10/FWcNzOd88KJU5NJYm9YAUz7tYhQJfoQ9_medium.jpg)
18:18 / 22.07.2024
Rossiya yangi yashirin floti uchun maxfiy tarzda 50 ta gaz tashuvchi tankerlar sotib olgan
![](https://storage.kun.uz/source/thumbnails/_medium/10/RWnDXE3wrngxQUkG7dMrqvW7SrAuu930_medium.jpg)
15:44 / 22.07.2024
28,4 mlrd so‘mlik tabiiy gazdan noqonuniy foydalangan ikkita gaz zapravka aniqlandi
![](https://storage.kun.uz/source/thumbnails/_medium/10/irLZ92AySJVsQc1u55TSseVe_jc6CM1r_medium.jpg)
12:50 / 22.07.2024