20:23 / 29.05.2024
4927

Vensan Kompani – «Bavariya» bosh murabbiyi

APL joriy mavsumida «Bernli» bilan quyi ligaga tushib ketgan Vensan Kompani yangi mavsumda «Bavariya»ni boshqaradigan bo‘ldi.

Foto: Getty Images

«Bavariya» klubi rasmiy sayti Vensan Kompani jamoa bosh murabbiyiga aylanganini e’lon qildi. 38 yoshli belgiyalik mutaxassis Myunxen klubi bilan 2027 yilning 30 iyun oyiga qadar mo‘ljallangan 3 yillik shartnomaga imzo chekdi.

Kompani 2020 yil futbolchilik faoliyatini yakunlagach, «Andrlext» bosh murabbiyiga aylanib, Belgiya klubini 2 yil davomida boshqardi. 2022 yilda esa Angliyaning «Bernli» klubi bosh murabbiyiga aylanib, jamoani Chempionshipdan APLga olib chiqdi. 2023/24 yilgi mavsumda esa Kompani ustozligidagi «Bernli» 24 ochko bilan 19-o‘rinni egallab, Premer-ligani tark etdi.

Avvalroq, «Manchester Siti» ustozi Pep Gvardiola Myunxen klubi rahbariyatiga Vensan Kompanini tavsiya etgani haqida xabarlar tarqalgandi. Ungacha bir qator klublar nemis jamoasi taklifini rad etgandi.

Mavzuga oid
Top