“Hosili ko‘p, xaridori yo‘q piyoz” - bahorgi piyoz nega dalada qolib ketyapti?
O‘zbekiston bozorlari yangi piyoz bilan to‘lgan. Qator viloyatlarda yetishtirilgan bahorgi piyoz hosili dalalarda qolib ketmoqda. Xo‘sh, bunga sabab nima? Dehqonlarning haddan tashqari ko‘p piyoz ekkanimi yoki ichki bozor ehtiyojidan ortgan piyozning eksporti yaxshi yo‘lga qo‘yilmaganimi? Kun.uz shu savollarga javob izladi.
![](https://storage.kun.uz/source/10/OUnk-TwY6glMBTmqy6EacUFUt_L0BDum.jpg)
Foto: Pexels
Muammo nimada?
O‘zbekiston Eksportchilar uyushmasi raisi Yorqin Malikovning Kun.uz'ga ma’lum qilishicha, piyozni eksport qilish uchun tadbirkorlarga tashuvchi texnika yetishmayapti.
Ta’kidlanishicha, bahorgi piyozni faqat sovitiladigan konteynerlarda tashish mumkin. Aks holda piyoz yo‘ldayoq aynib ketadi. Tadbirkorlar o‘zidagi mavjud texnikalar bilan katta hajmdagi piyozni eksport qilishni esa uddalay olmayapti.
Shuningdek, qo‘shni Qozog‘istonda ham dehqonlar piyoz yetishtirish ilmini ancha o‘zlashtirib olgan. Ular endi o‘zining va Rossiya bozorlarini to‘ldira boshlagani o‘zbek dehqonlarining piyozlari dalada qolib ketayotganining yana bir sababi hisoblanadi.
Dehqonlar piyozni rejasiz yetishtirishyaptimi?
O‘zbekiston agrobiznes assotsiatsiyasi rahbari Kamoliddin Ikromovning aytishicha, o‘tgan mavsumlarda piyoznining “yili kelgan”. Natijada dehqonlar yaxshi daromad ko‘rgan. Shu boisdan bu galgi mavsumda ular yana ham ko‘proq piyoz ekkan.
“Bu yil ham o‘shanday daromad ko‘rishdan umid qilib, dehqonlar o‘zini piyozga urdi. Hozir meva-sabzavotni eksport qilish sohasi ancha yaxshilandi – davlat aralashmayapti. Endi dehqon va tadbirkorda mas’uliyat oshishi kerak, davlatga to‘nkab bo‘lmay qolyapti” – deydi Kamoliddin Ikromov.
Mutaxassisning qayd etishicha, dehqonlar yerga piyoz urug‘ini sepayotganidayoq katta tavakkal qiladi. Chunki u ekayotgan piyoz urug‘i qanday hosil beradi, sotiladimi yoki yo‘q buni ham aniq bilmaydi.
Biroq mutaxassislar tashqarida 21-asr ekanligini, hatto dehqonchilikda ham tavakkalchilikni kamaytirish mumkin va shart ham deb hisoblamoqda.
Xususan, mamlakat bo‘ylab qancha dehqon, qancha yerda piyoz yetishtirayotganini bilish uchun maxsus internet makonlar tashkil qilish, ulardan foydalanishni dehqonlarga o‘rgatish, esportchi tadbirkorlarni dehqonlar bilan bog‘lovchi internet vositalarni shakllantirish orqali dehqonning ishidagi tavakkalchilikni kamaytirish mumkinligi dunyo tajribasida isbotini topib kelyapti.
Bundan tashqari, yetishtirilgan piyoz, kartoshka kabi muhim mahsulotlarning uvolini kamaytirish uchun, davlat intervensiyasi, ya’ni davlat tomonidan xarid qilish yo‘li ham bor.
Tavsiya etamiz
Tramp Putin va Zelenskiyga telefon qildi. Asosiy ma’lumotlar
Jahon | 13:32 / 13.02.2025
“Yashirin davlat” nima? Tramp nega unga qarshi urush ochdi?
Jahon | 20:50 / 12.02.2025
Toshkent bozorlarida patta narxi oshadi. Savdogarlar nima deydi?
O‘zbekiston | 19:32 / 10.02.2025
Sertifikatga ega o‘zbek tili o‘qituvchilariga ham 50 foiz ustama beriladi
O‘zbekiston | 16:36 / 10.02.2025
So‘nggi yangiliklar
-
Parij ko‘chalaridan biriga Aleksey Navalniy nomi berildi. U Rossiya elchixonasi yaqinida joylashgan
Jahon | 01:03
-
AQShning atom aviatashuvchisi savdo kemasi bilan to‘qnashib ketdi
Jahon | 00:31
-
Kongress kichik Robert Kennedini AQSh sog‘liqni saqlash vaziri lavozimiga tasdiqladi
Jahon | 23:32 / 13.02.2025
-
O‘zbekistonda pensiyani arizasiz - avtomatik tarzda tayinlash tizimiga o‘tiladi
O‘zbekiston | 23:17 / 13.02.2025
Mavzuga oid
![](https://storage.kun.uz/source/thumbnails/_medium/11/abIjff8CgXd8seUKN8xQKShaqmYNLm5M_medium.jpg)
11:20 / 08.02.2025
IT xizmatlari eksportini 1 mlrd dollardan oshirish rejalashtirilmoqda
![](https://storage.kun.uz/source/thumbnails/_medium/11/s5uxeO3uBgiF4MDa07SXf8JaOBVlS-cn_medium.jpg)
17:26 / 29.01.2025
Qozog‘iston benzin va dizel yoqilg‘isi eksportini taqiqladi
![](https://storage.kun.uz/source/thumbnails/_medium/11/JPDgUvv41tGPAWV3R1LCR1ftrl6BNFnY_medium.jpg)
10:23 / 26.01.2025
2024 yilda O‘zbekiston eksportida yuqori ulushga ega bo‘lgan davlatlar ma’lum qilindi
![](https://storage.kun.uz/source/thumbnails/_medium/11/-R1h72diFDrKA2A1NHA2KjjmH_zrlquv_medium.jpg)
14:03 / 25.01.2025