Investitsiyalar vaziriga o‘rinbosarlar tayinlandi

Vazirlar Mahkamasining tegishli qarori bilan Shohrux G‘ulomov va Akram Aliyev investitsiyalar, sanoat va savdo vaziriga o‘rinbosar vazifasini bajaruvchilar etib tayinlandi. Bu haqda bosh vazir matbuot kotibi Behzod Hidoyatov ma’lum qildi.

Shohrux Hasanovich G‘ulomov (1990 yilda tug‘ilgan) tayinlovga qadar mazkur vazirlikning xalqaro hamkorlik departamenti boshlig‘i lavozimida ishlab kelgan. U, shuningdek, MDH Iqtisodiy kengashi huzuridagi Iqtisodiy masalalar bo‘yicha komissiyada O‘zbekistonning vakolatli vakili sifatida ham ishlagan.

Akram Zairovich Aliyev (1991 yilda tug‘ilgan) esa vazirlik departamenti direktori lavozimida ishlagan.

Ular vakant turgan vazir o‘rinbosarlari lavozimlarini egallagan.