12:10 / 08.06.2024
23924

Jizzaxda 17 yoshli yigit attraksiondan tushib ketdi

Favqulodda vaziyatlar boshqarmasi Jizzax shahrida joylashgan istirohat bog‘idagi attraksiondan tushib ketgan yigit yuzasidan ma’lumot berdi.

Foto: Videodan kadr

Ijtimoiy tarmoqlarda Jizzax shahrida joylashgan O‘rda istirohat bog‘ida baxtsiz hodisa yuz bergani to‘g‘risida xabarlar tarqaldi. Jizzax viloyat FVB holat yuzasidan rasmiy ma’lumot taqdim etdi.

Qayd etilishicha, joriy yilning 1 iyun kuni soat 20:00 larda Paxtakor tumanida yashovchi, 2007 yilda tug‘ilgan fuqaro M.O‘. oila a’zolari bilan birgalikda Jizzax shahrida joylashgan O‘rda ekologik istirohat bog‘iga aylanish uchun kelgan.

U attraksionda uchish vaqtida operatorlarning ogohlantirishlariga qaramasdan o‘zining ehtiyotsizligi oqibatida, ya’ni attraksion to‘liq to‘xtamasdan oldin himoya kamarini yechib yuborishi natijasida yiqilgan.

Xabarda aytilishicha, yigit hech qanday tan jarohati olmagan va mazkur holat sodir bo‘lgan vaqtda attraksionda nosozliklar bo‘lmagan.

Top