IVECO Orol bo‘yida 10 000 tup saksovul ko‘chatlarini o‘tqazdi

2024 yilning mart oyida IVECO kompaniyasi Orol dengizi qurishi oqibatlarini yumshatish maqsadida O‘zbekistonning Orolbo‘yi hududida 10 gektar maydonda saksovul ko‘chatlarini o‘tqazdi. Bu loyiha O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi hamda Atrof-muhit va tabiatni muhofaza qilish texnologiyalari ilmiy-tadqiqot instituti ko‘magida amalga oshirildi. Saksovullar mintaqa sharoitiga mos kelib, ko‘chatlar 15 ta futbol maydoniga teng bo‘lgan maydonni egalladi. Bu tashabbus IVECO’ning mahalliy aholini qo‘llab-quvvatlash va cho‘llanish oqibatlarini yumshatishga qaratilgan sa’y-harakatlarini namoyon etadi.

So‘nggi 50 yilda Orol dengizi 85-90% hajmini yo‘qotgan va Amudaryo va Sirdaryo daryolari deltalaridagi suv-botqoq ekotizimlari yo‘qolgan. Toksik tuzlar va qum har yili dengiz tubidan shamol bilan tarqalib, mahalliy aholining sog‘lig‘iga salbiy ta’sir ko‘rsatadi va ichimlik suvidan foydalanishni qiyinlashtiradi. 

Tez-tez sodir bo‘ladigan qurg‘oqchilik va chang bo‘ronlari tufayli har yili shamol bilan birga dengiz tubidan 75 million tonnaga yaqin zaharli tuz va qum ham tarqaladi. Bu holat mahalliy aholi salomatligiga jiddiy ta’sir ko‘rsatmoqda, shuningdek, toza ichimlik suvi yetishmovchiligi muammosini keltirib chiqaradi.

«Orol dengizini avvalgi holatga qaytarib bo‘lmaydi, lekin vaziyat umidsiz emas. Biz o‘tqazgan ko‘chatlar mahalliy sharoitlarni va hududda istiqomat qiluvchi aholi salomatligini yaxshilashga yordam beradi. Iveco Group kompaniyasining bir qismi sifatida biz mahalliy aholini qo‘llab-quvvatlashga intilamiz va ushbu loyiha orqali Orol dengizi tubiga cho‘llanish oqibatlarini yumshatishga hissa qo‘shishni maqsad qilganmiz», — deb ta’kidladi IVECOning Osiyo mintaqasi rahbari Koray Kursunoglu.

IVECO kompaniyasi ijtimoiy mas’uliyatli kompaniya sifatida mahalliy aholining sog‘lig‘i va farovonligini yaxshilashga intiladi. Kompaniya ekologik toza dizel va gaz dvigatellarlik tijorat transportini taklif qiladi.

Kompaniya haqida

O‘zbekistonda IVECO mahalliy hamkor Profmet Service bilan hamkorlikda ishlab, zamonaviy tijorat avtomobillarni yetkazib beradi va ularga xizmat ko‘rsatadi, ehtiyot qismlar bilan ta’minlaydi va maxsus dasturlar asosida qo‘llab-quvvatlaydi.

IVECO — Iveco Group N.V. (EXM: IVG) savdo belgisi bo‘lib, yengil, o‘rta va og‘ir tijorat avtomobillarni ishlab chiqarish va sotish bilan shug‘ullanadi. Kompaniya xavfsizlik va qulaylikka alohida e’tibor qaratib, innovatsion mahsulotlar va raqamli xizmatlarni taklif etadi. IVECOning dekarbonizatsiya strategiyasi bio-metan, akkumulyator batareyalari va yoqilg‘i elementlari texnologiyalarini rivojlantirishni o‘z ichiga oladi. Kompaniya 7 ta mamlakatda ishlab chiqarish maydonlariga ega va 160 dan ortiq davlatda texnik qo‘llab-quvvatlashni ta’minlaydi.

IVECO o‘zining dekarbonizatsiya strategiyasini ko‘p energiya manbalariga asoslangan yondashuv orqali amalga oshiradi. Bu yondashuv bio-metan, akkumulyator batareyalari va yoqilg‘i elementlari texnologiyalarini rivojlantirishni o‘z ichiga oladi.

IVECO Yevropada, Osiyoda, Afrikada, Okeaniyada va Lotin Amerikasining 7 ta mamlakatlarida ishlab chiqarish maydonlariga ega. Kompaniyaning 160 dan ortiq mamlakatdagi 3500 ta savdo va xizmat ko‘rsatish nuqtalari har doim texnik qo‘llab-quvvatlashni ta’minlaydi.

Qo‘shimcha ma’lumot olish uchun: sanjar.makhmudov@ivecogroup.com

Website: https://iveco.uz

LinkedIn: https://www.linkedin.com/company/iveco/

Facebook: https://www.facebook.com/IVECO/

YouTube: https://www.youtube.com/user/ivecoitaly

Instagram: https://www.instagram.com/iveco/

Reklama