Afrikadagi katta “meros”ga ishongan ayol 90 ming dollarga chuv tushdi
Toshkent shahrida yashovchi ayol xalqaro firibgarlarning katta kompaniya egasidan qolgan 3 mlrd dollarlik merosni unga o‘tkazib berish haqidagi yolg‘oniga ishonib, 90 ming dollar pulidan ayrildi. U mazkur pulni to‘lash uchun o‘zi yashab turgan uyini ham sotib yuborgan. IIV Kiberxavfsizlik markazi xodimi Umidjon Hamroqulovga ko‘ra, dunyo tajribasida bunday turdagi jinoyatlarning 70 foizi ochilmay qoladi.

Sun’iy intellekt chizgan surat
Toshkent shahrida yashovchi fuqaro xalqaro firibgarlarga aldanib, katta miqdordagi mablag‘idan ayrildi. Bu haqda Kun.uz’ga IIV Kiberxavfsizlik markazi xodimi Umidjon Hamroqulov ma’lum qildi.
Holat bundan ikki oy oldin sodir bo‘lgan. Nigeriyalik firibgarlar ijtimoiy tarmoq orqali ayolga murojaat qilib, katta kompaniya egasi vafot etgani, u o‘sha milliarderning uzoq qarindoshi bo‘lishi e’timoli borligini bildirishgan. “Qon analizingizni bizga jo‘natasiz va biz buni tekshirib ko‘ramiz. Agar qarindoshlik ehtimoli to‘g‘ri bo‘lsa, kompaniya rahbaridan qolgan 3 mlrd dollarlik meros sizga o‘tadi”, deya “qarmoq” tashlagan firibgarlar.
Ayol esa bu yolg‘onga ishongan hamda qon analizini jo‘natgan. Buni tekshirish uchun esa firibgarlarga ming dollar pul ko‘chirib bergan. Biroz vaqtdan so‘ng u haqiqatan ham o‘sha milliarderning qarindoshi bo‘lib chiqqani, minglab odamlarning qon analizlari tekshirilib ko‘rilganida aynan uniki mos kelgani haqida “xushxabar” olgan.
Shu tariqa “meros”ni rasmiylashtirish ishlari boshlangan. Firibgarlar ayolni avvaliga katta miqdordagi pulni o‘tkazishimiz uchun bankdan hisobraqam ochishingiz va unda 20 ming dollar pul bo‘lishi kerak, deya aldashgan.
So‘ngra bosqichma-bosqich “chuv tushirish” jarayoni boshlangan: ayol firibgarlarning ayrim hujjatlarni rasmiylashtirish, advokatlik xizmati va boshqa turli bahonalariga ishonib, bir necha bosqichda ularga 90 ming dollar o‘tkazib bergan. Fuqaroning buncha miqdordagi puli bo‘lmagan. Shu sababli, u o‘z yashab turgan uyini sotib yuborgan hamda bor pulini shu “meros ishi”ga “tikkan”.
“Meros summasi 3 mlrd dollar, deb aytilgan. Shu sababli, fuqaro 90 ming dollar chiqim bo‘lsa ham katta miqdordagi pulga ega bo‘laman, deb o‘ylagan. Bu ish bo‘yicha anchadan beri tergov harakatlarini olib boryapmiz. Mazkur pullar birinchi bosqichda Turkiya davlatiga o‘tkazilgani aniqlandi. Turkiyaga so‘rov jo‘natib, aniqlab ko‘rsak, pullar u yerdan Yevropa davlatlariga o‘tib ketgan ekan. Shu tariqa hozirda ushbu pul 5-6 ta davlatda aylanib yuribdi. Bunaqa ssenariylarning oxirida pullar oddiy odamlarning nomlariga ochilgan bank hisobraqamlariga, ya’ni egallab olingan shaxsiy ma’lumotlar asosida ochilgan onlayn hisoblarga tushgan bo‘ladi. Bundan esa ularning o‘zlarining ham xabari bo‘lmaydi”, deydi IIV Kiberxavfsizlik markazi xodimi Umidjon Hamroqulov Kun.uz muxbiri bilan suhbatda
Umidjon Hamroqulovning qo‘shimcha qilishicha, bu kabi jinoyatlar uyushgan jinoiy guruh tomonidan sodir etiladi. Ularni ochish juda ham qiyin hisoblanadi. Dunyo tajribasida ayni shu turdagi jinoyatlarning 60-70 foizi ochilmay qoladi.
Oldinroq Navoiy shahrida ishlovchi shifokor ayol chet el firibgarlarining 4 mln dollar naqd pul jo‘natishi, uning 40 foizini o‘ziga olib qolib, qolganini ehtiyojmandlarga tarqatishi kerakligi haqidagi yolg‘oniga ishonib, 7,5 ming dollaridan ayrilgandi.
Tavsiya etamiz
Magic City'ning egasi yana o‘zgaradi
O‘zbekiston | 21:22 / 17.03.2025
«Balki uddalarmiz, balki yo‘q». Tramp ertaga Putin bilan gaplashishga va’da berdi
Jahon | 20:36 / 17.03.2025
Emmanuel Makron Yevropaga «yadroviy qalqon» taklif etdi
Jahon | 12:00 / 16.03.2025
AQSh 43 davlat, jumladan Rossiya va Belarus fuqarolarining kirishini cheklashi mumkin
Jahon | 17:13 / 15.03.2025
So‘nggi yangiliklar
-
«Tashabbusli budjet»da majburiy ovoz to‘plangan loyihalar ovoz berish bosqichidan chetlatiladi
O‘zbekiston | 13:31
-
Husiychilarning hujumi, Tramp va Putin muloqotiga tayyorgarlik va Ozodlik haykalini qaytarishni so‘ragan fransuz - kun dayjesti
Jahon | 13:16
-
Ikkilamchi avtomobil bozori: Lacetti, Cobalt, Spark va Onix narxi arzonlashdi
O‘zbekiston | 12:42
-
«Begonalar zulm qilgani yo‘q, ammo o‘zimiznikilardan yordam kutmay qo‘ygandik» - sudjaliklar
Jahon | 12:32
Mavzuga oid

08:10
Toshkentda Lexus yo‘l chetida turgan mashina va fuqaroni urib yubordi

21:22 / 17.03.2025
Magic City'ning egasi yana o‘zgaradi

12:20 / 17.03.2025
Yuzlab insonlarni chuv tushirgan avtolizingchilarga hukm o‘qildi

10:01 / 17.03.2025