Reuters: HAMAS AQShning tinchlik rejasini qabul qildi

Foto: Reuters

HAMASdagi o‘z nomini oshkor qilmagan manba Reuters'ga ma’lum qilishicha, guruh amerikaliklarning asirlarni ozod qilishga asoslangan tinchlik rejasini qabul qilgan. Manbaga ko‘ra, Isroil bilan tinchlik muzokaralari 16 kundan keyin – G‘azoda o‘t ochishni to‘xtatish bo‘yicha kelishuv boshlangach start oladi.

HAMAS Isroilning avvalgi kelishuvni bekor qilgan va Tel-Aviv asirlarni ozod qilish bo‘yicha muzokara boshlanishidan avval o‘t ochishni to‘xtatishini kutgan. Guruh manbasiga ko‘ra, Isroil ham AQSh taklif qilgan rejani qabul qilsa, bu oxir-oqibat urush tugashiga olib keladi.

Reuters'ning Isroildagi muzokaralarga yaqin manbasi ham tomonlarda urushni tugatish bo‘yicha real shans paydo bo‘lganini aytgan.

Tayyorlagan Ўткир Жалолхонов

#AQSh #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.