Litva «Oxmatdet» klinikasini tiklash uchun million yevro ajratdi
Rossiya armiyasi amalga oshirgan raketa zarbasi oqibatida Ukrainadagi eng katta bolalar kasalxonasi bir qismi vayronaga aylangandi.
Litva Kiyevdagi «Oxmatdet» bolalar kasalxonasi va Rossiya raketa zarbalari oqibatida vayron bo‘lgan boshqa klinikalarni tiklash uchun Ukrainaga 1 million yevro o‘tkazib berdi. Bu haqda mamlakat bosh vaziri Ingrid Shimonite e’lon qildi.
«Terrorchi davlatni to‘xtatishning yagona yo‘li Ukrainani g‘alaba uchun qo‘llab-quvvatlash. Ukrainani tiklashning eng adolatli yo‘li esa agressorni qilgan ishlari uchun tovon to‘lashga majbur qilish», dedi Litva bosh vaziri bu yordam puli haqida e’lon qilar ekan.
Ma’lumot uchun, 8 iyul kuni Rossiya armiyasi Ukraina bo‘ylab navbatdagi seriyali raketa zarbalari yo‘lladi. Raketalardan biri Kiyevdagi «Oxmatdet» bolalar kasalxonasiga tushgandi. Ukraina xavfsizlik xizmatiga ko‘ra, Rossiya kasalxonaga X-101 raketasi bilan hujum qilgan. Idora raketa parchalarini ham ko‘rsatgandi.
Shuningdek, o‘sha kungi zarbalari vaqtida raketalardan biri «Isida» nomli tug‘uruqxonaga tushgan va ukrain nashrlariga ko‘ra yetti kishi vafot etgan.
Mavzuga oid
20:53 / 17.10.2024
Frontdagi vaziyat: Rossiya Ukraina kuchlarini Kursk oblastidan siqib chiqarishga urinmoqda, Vovchansk esa kultepaga aylangan
14:30 / 17.10.2024
Ukraina o‘z portlariga kuzatuv missiyasini yuborishni so‘rayapti
13:10 / 17.10.2024
Bayden Kiyevga 425 mln dollarlik yordam paketi haqida ma’lum qildi
11:50 / 17.10.2024