Qarshi aeroporti yaqinida yong‘in sodir bo‘ldi

Qarshi xalqaro aeroporti yaqinida yong‘in sodir bo‘ldi va o‘t o‘chiruvchilar uni bartaraf qilmoqda.

Uzbekistan Airports xabariga ko‘ra, yong‘in Qarshi aeroporti yaqinida joylashgan «S.Smart» ishlab chiqarish korxonasi hududida sodir bo‘lgan. O‘t o‘chiruvchilar yong‘inni bartaraf qilish uchun tezda yetib kelishgani aytilmoqda.

Sanoat hududidagi yong‘in havo bandargohi faoliyatiga ta’sir qilmagan. Ta’kidlanishicha, Qarshi xalqaro aeroporti normal rejimda ishlamoqda.