Samarqand va Toshkent o‘rtasida qo‘shimcha poyezdlar qatnovi yo‘lga qo‘yiladi

26—30 avgust kunlari Samarqandda “Sharq taronalari XIII xalqaro musiqa festivali” o‘tkazilishi va Mustaqillik bayrami munosabati bilan yo‘lovchilarga qulaylik yaratish maqsadida 25 avgustdan 3 sentabrgacha 775/776-sonli Samarqand—Toshkent—Samarqand yo‘nalishida “Afrosiyob” elektropoyezdining qo‘shimcha qatnovi yo‘lga qo‘yildi.

Poyezd quyidagi jadval asosida harakatlanadi:

• 775-sonli Samarqand—Toshkent yo‘nalishi: Samarqand 11:11 — Toshkent 13:26;
• 776-sonli Toshkent—Samarqand yo‘nalishi: Toshkent 13:51 — Samarqand 16:05.

Chiptalarni temiryo‘l chiptaxonalaridan tashqari elektron tarzda eticket.railway.uz orqali xarid qilish mumkin.