Hindiston va O‘zbekiston o‘rtasida yangi konteyner tashuvlari yo‘lga qo‘yildi

Yuklar Hindistondan dengiz orqali Eronga, so‘ngra temiryo‘l orqali O‘zbekistonga yetkaziladi.

Foto: Transport vazirligi

«O‘ztemiryo‘lkonteyner» AJ tomonidan Hindiston va O‘zbekiston o‘rtasida yangi multimodal yo‘nalishda konteyner tashuvlarini muvaffaqiyatli tashkil etildi, deb xabar berdi Transport vazirligi.

Qayd qilinishicha, yuklar Hindistonning Mundra, Nhava-Sheva va Chennai portlaridan Eronning Bandar Abbos portiga dengiz orqali yetkaziladi. Shundan so‘ng, Bandar Abbos portidan temiryo‘l orqali O‘zbekistonning Sergeli stansiyasiga keltiriladi.

Ta’kidlanishicha, 20 ta 20 futlik konteynerdan tashkil topgan yuk poyezdi umumiy temiryo‘l uzunligi 2673 km bo‘lgan masofani 20 kunda bosib o‘tdi. Kelgusida tashish muddatini 15 kunga qisqartirish rejalashtirilgan.

Tayyorlagan: Сардор Юсупов

#Hindiston #Eron #yuk tashish