Armaniston Boku bilan tinchlikka erishish uchun Konstitutsiyasini o‘zgartirishga tayyor
Mamlakat bosh vaziri Nikol Pashinyanning so‘zlariga ko‘ra, agarda Armaniston va Ozarboyjon tinchlik bitimini imzolasa, ushbu hujjat Armaniston Konstitutsiyaviy sudiga o‘rganish uchun yuboriladi.

Foto: Reuters
Armaniston Ozarboyjon bilan tinchlik bitimini imzolash uchun Konstitutsiyani o‘zgartirishga tayyor. Bu haqda mamlakat bosh vaziri Nikol Pashinyan BMT Bosh Assambleyasi yig‘ilishida ma’lum qildi. Uning so‘zlariga ko‘ra, agarda Armaniston va Ozarboyjon tinchlik bitimini imzolasa, ushbu hujjat Armaniston Konstitutsiyaviy sudiga uning mamlakat asosiy qonuniga mos kelish-kelmasligini o‘rganish uchun yuboriladi.
«Agar bizning Konstitutsiyaviy sudimiz (KS) hujjatni Armaniston Konstitutsiyasiga zid deb topsa, bu holatda biz tinchlikni o‘rnatish uchun konstitutsiyaviy o‘zgarishlarni talab etadigan aniq bir vaziyat qarshisida qolamiz. Agar KS bitim Konstitutsiyaga mos keladi desa, hujjatni ratifikatsiya qilishga hech qanaqa to‘sqinlik bo‘lmaydi», — deydi Pashinyan.
Avvalroq Nikol Pashinyan Armaniston noyabr oyida Bokuda o‘tkazilishi rejalashtirilgan konferensiyada tinchlik bitimini imzolashga tayyor ekanini ma’lum qilgandi.
Ozarboyjon tinchlik bitimi doirasida Armaniston o‘z Konstitutsiyasiga o‘zgartirishlar kiritishini talab qilmoqda. Unda Armaniston Oliy kengashi 1990 yil 23 avgustda qabul qilgan mamlakat mustaqilligi deklaratsiyasiga havola bor. Ushbu deklaratsiya boshida o‘z navbatida, Armaniston SSR va Tog‘li Qorabog‘ning 1989 yildagi «Birlashuv to‘g‘risida»gi qo‘shma rezolyutsiyasiga havola keltirilgan.
«Ularning Konstitutsiyasidagi bunday band bilan imkoni yo‘q, chunki Konstitutsiya har qanday boshqa hujjatdan, jumladan, xalqaro bitimlardan ham ustun. Shuning uchun ular yana qachondir fikridan qaytadigan va biz sentabrdagi ishlarimizni takrorlaydigan vaziyatga tushib qolishimizni istamayman», — degan edi Ozarboyjon prezidenti Ilhom Aliyev.
Tavsiya etamiz
Alonso «Real»da. Endi kim o‘zgaradi – klub yoki murabbiy?
Sport | 11:37 / 29.05.2025
Chet ellik jangchilar, xususan o‘zbeklar Suriyadan quviladimi?
Jahon | 21:35 / 28.05.2025
Moskvada shaharni bilishini isbotlab bermagan taksichilar jarimaga tortiladi
Jahon | 20:35 / 27.05.2025
Bozor – go‘sht narxi haqida: “Yem-xashak qimmat, mol boqish oson bo‘lmay qoldi”
O‘zbekiston | 17:00 / 27.05.2025
So‘nggi yangiliklar
-
Markaziy Osiyo va Italiya rahbarlari Ostonada hamkorlikni chuqurlashtirishga kelishib oldi
O‘zbekiston | 20:07
-
Issiq havo qaytadi, ba’zi hududlarga sel keladi - kutilayotgan ob-havo tahlili
O‘zbekiston | 20:03
-
Global isish tufayli La-Manshga sakkizoyoqlar yopirildi
Jahon | 19:50
-
Sariosiyo aeroporti 20 yildan so‘ng faoliyatini tikladi
O‘zbekiston | 19:09
Mavzuga oid

15:49 / 24.05.2025
O‘zbekiston Shusha deklaratsiyasiga qo‘shilgani haqidagi xabarlar rad etildi

16:28 / 23.05.2025
Eron 2023 yilda Ozarboyjon elchixonasiga hujum qilgan erkakni qatl qildi

21:12 / 07.05.2025
Ilhom Aliyev 9 may kuni Moskvadagi paradga borishdan bosh tortdi

21:04 / 02.05.2025