O‘zbekistonlik xokkeychilar ilk marotaba jahon chempionatida ishtirok etadi

O‘zbekiston milliy jamoasi Armanistonda o‘tkaziladigan jahon chempionati IV divizionida debyut qiladi.

Foto: ice-hockey.uz

Xokkey bo‘yicha O‘zbekiston milliy terma jamoasi va yoshlar terma jamoasi 2025 yilgi debyut jahon chempionatida qachon va qayerda ishtirok etishi ma’lum bo‘ldi.

O‘zbekiston milliy terma jamoasi ilk bor rasmiy turnirda – Jahon chempionatining nufuzi jihatidan beshinchi o‘rinda turuvchi IV divizionida ishtirok etadi. Turnir 13-19 aprel kunlari Yerevanda bo‘lib o‘tadi. O‘zbekistonga Armaniston, Eron, Kuvayt, Malayziya va Indoneziya raqib bo‘ladi.

O‘zbekiston yoshlar terma jamoasi ham jahon chempionatida debyut qiladi. O‘zbekiston o‘smirlari 2025 yil 28 fevralidan 6 martiga qadar Bangkokda o‘tkaziladigan III divizionning «B» guruhida ishtirok etadi. Ularga Tailand, Turkmaniston, Bosniya, JAR va Lyuksemburg raqiblik qiladi.

#Armaniston #jahon chempionati #Xokkey