Qoʻshimcha funksionallar
-
Tungi ko‘rinish
Toshkentdan Jiddaga uchgan samolyot ortga qaytishga majbur bo‘ldi
Uzbekistan Airways’ga ko‘ra, samolyotning ortga qaytishiga yo‘lovchilardan birining sog‘ligi yomonlashgani sabab bo‘lgan.
Foto: Uzbekistan Airways
Bugun, 10 noyabr kuni Toshkent—Jidda yo‘nalishi bo‘yicha HY335 reysini bajaruvchi samolyot jo‘nab ketgan aeroportga qaytishga majbur bo‘ldi, deb xabar beradi Uzbekistan Airways matbuot xizmati.
Qayd etilishicha, mazkur samolyotning ortga qaytishiga yo‘lovchilardan birining sog‘ligi yomonlashgani sabab bo‘lgan.
«Tez orada samolyot o‘z manziliga parvozni davom ettiradi. Noqulayliklar uchun uzr so‘raymiz va tushunishingiz uchun minnatdorchilik bildiramiz», — deyiladi xabarda.
Bir necha kun oldin Toshkentdan Nyu-Yorkka uchgan samolyot ikki marta favqulodda qo‘nishni amalga oshirgandi. Birinchi parvozda ushbu reys rossiyalik yo‘lovchi o‘zini yomon his qilgani sababli Toshkent aeroportiga qaytib kelgan bo‘lsa, ikkinchi parvozda esa homilador yo‘lovchi sababli Kanada aeroportiga qo‘nishga majbur bo‘lgan edi.
Mavzuga oid
10:33 / 28.02.2026
Boliviyada samolyot qulashi oqibatida 15 kishi halok bo‘ldi
07:23 / 23.02.2026
Honda o‘zining birinchi xususiy samolyotini taqdim qildi: u mustaqil ravishda qo‘na oladi
20:42 / 21.02.2026
AQSh harbiy samolyotlari Yevropa va Arabistondagi bazalar orasida muntazam qatnamoqda – OAV
08:22 / 20.02.2026