Dam olish kunlari Toshkent metrosining ish tartibi ma’lum qilindi

Avvalroq, 31 dekabr sanasida Toshkent metropoliteni bekatlari odatdagidan 2 soatga ko‘proq vaqt davomida yo‘lovchilarga xizmat ko‘rsatishi yuzasidan rasmiy xabar taqdim etilgan edi.

Shu bilan birga, bayram kunlari uchun belgilangan qo‘shimcha dam olish kunlarida metro poyezdlari oraliq vaqt intervali quyidagi tartibda tashkil etiladi:

🔹2024 yil 28, 30, 31 dekabr kunlari metro poyezdlari shanba kuni uchun tasdiqlangan jadvalda;
🔹2024 yil 29 dekabr, 2025 yil 1, 2 yanvar kunlari esa poyezdlar yakshanba kuni uchun tasdiqlangan jadvalga ko‘ra harakatlanadi.

Shuningdek, 4 yanvar — shanba kuni barcha uchun ish kuni va bu kunda metro poyezdlari harakati odatiy ish kunlari uchun belgilangan jadval asosida tashkil etiladi.