Qoʻshimcha funksionallar
-
Tungi ko‘rinish
Toshkentda Captiva yonib ketdi
Hodisa oqibatida hech kimga zarar yetmagan. Hozirda yong‘in sababi va keltirilgan moddiy zarar miqdori aniqlanmoqda.
Toshkent shahar Favqulodda vaziyatlar boshqarmasi Yangihayot tumanida yonib ketgan avtomobil to‘g‘risida ma’lumot berdi.
Qayd etilishicha, 18 yanvar kuni soat 15:38 da Yangihayot tumani Sofdil ko‘chasida joylashgan avtoturargohda avtomobil yonayotgani to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv texnikalari aytilgan manzilga soat 15:43 da yetib borgan va yong‘in soat 15:51 da o‘chirilgan.
Ta’kidlanishicha, yong‘in oqibatida halok bo‘lgan va jabrlanganlar yo‘q.
«Hozirda yong‘in sababi va keltirilgan moddiy zarar miqdori aniqlanmoqda», — deyiladi xabarda.
Bundan oldin Toshkent shahri Yakkasaroy tumanida Cobalt, Toshkent viloyatida esa Mazda mashinalari yonib ketgani to‘g‘risida xabar berilgandi.
