Toshkentda begona bola bilan muloqot qilishga uringan ruhiy xasta ayol ushlandi

Ijtimoiy tarmoqlarda tarqalgan videoga ko‘ra, ayol o‘quvchining qo‘lidan ushlamoqchi bo‘lgan.

Foto: Ijtimoiy tarmoqlar

10 fevral kuni ertalab Toshkent shahri, Bektemir tumani, Bilol Nozim ko‘chasida joylashgan bekat oldida bir ayol maktab o‘quvchisi oldiga borib, muloqotga kirishgan. Qayd qilinishicha, so‘ngra ayol mahalla fuqarolarini ko‘rib, ketib qolgan.

Ijtimoiy tarmoqlarda tarqalgan videoga ko‘ra, ayol o‘quvchining qo‘lidan ushlamoqchi bo‘lgan.

Toshkent shahri IIBB xabariga ko‘ra, Bektemir tumani IIO FMB tezkor chora-tadbirlar natijasida ayolni ushlagan. Uning 1990 yilda tug‘ilgani, ruhiy-asab kasalliklari dispanserida muntazam davolanib turishi ta’kidlanmoqda.

Holat yuzasidan Bektemir tumani IIO FMB tomonidan tergovga qadar tekshiruv o‘tkazilmoqda.